ƏN SON XƏBƏR

Upper Head Image

ARDNŞ rəhbərliyinin gənclərlə görüşü keçirilmişdir

Noyabrın 21-də “Neftqazelmitədqiqatlayihə” İnstitutunda “ARDNŞ-də gənclərlə bağlı layihələr, təhsil və karyera imkanları, qarşıda duran vəzifələr” mövzusunda görüş keçirilmişdir.
Tədbirdə ARDNŞ-nin prezidenti Rövnəq Abdullayev başda olmaqla şirkət rəhbərliyinin nümayəndələri, Təhsili Nazirliyinin, Gənclər və İdman Nazirliyinin yüksək vəzifəli təmsilçiləri, ölkəmizdəki ali təhsil müəssisələrinin rəhbərləri, eləcə də Şirkətin Təqaüd Proqramları çərçivəsində xaricdə və Azərbaycanın ali məktəblərində təhsil alan tələbələr, habelə bu proqramlar çərçivəsində şirkətin idarə və müəssisələrində işə qəbul olunmuş gənc mütəxəssislər iştirak etmişlər.

ətraflı oxu TAM XƏBƏR
NewspaperXəbərlər arxivi

“Halliburton” şirkətinin mütəxəssisləri Bakı Ali Neft Məktəbində tədris prosesinə cəlb olunur

''Halliburton'' şirkətinin Qərbi Xəzər regionu üzrə meneceri Rəndi Gilçristin rəhbərlik etdiyi nümayəndə heyəti Bakı Ali Neft Məktəbində professor-müəllim və tələbə heyəti ilə görüş keçirmişdir.
BANM-in rektoru Elmar Qasımov Azərbaycanın görkəmli alimlərinin xarici şirkətlərdə çalışaraq ölkəmizi yüksək səviyyədə təmsil etdiyini, onların nəinki istehsalatda fəaliyyət göstərməklə, həmçinin elmi fəaliyyətlə məşğul olaraq, ölkədə gənc mühəndislərinin yetişdirilməsi prosesinə cəlb olunmasının vacibliyini vurğulamışdır. Rektor ''Halliburton'' şirkəti ilə aprel ayından başlanan əməkdaşlığın gedişatından razılığını bildirərək, BANM-in seçilmiş tələbələrinin ödənişlı yay təcrübəsini bu şirkətdə keçmələrinin məhsuldar olduğunu qeyd etmiş və bu təcrübənin onların dünyagörüşünün formalaşmasına, mütəxəssis-menecer kimi yetişmələrinə, peşənin praktik və texniki tərəflərini və nizam-intizam qaydalarını dərindən öyrənməyə töhfə verdiyini bildirmişdir.

''Halliburton'' şirkətinin Qərbi Xəzər regionu üzrə meneceri Rəndi Gilçrist BANM-in rəhbərliyinə uğurlu əməkdaşlığa görə təşəkkür etmiş və tələbələrin praktiki bilikləri ilə yanaşı nəzəri biliklərinin səviyyəsini yüksəltmək məqsədilə “Haliiburton” mütəxəssislərinin tədris prosesinə cəlb olunmasına lazımi dəstək verəcəyini bildirmişdir. Daha sonra BANM tələbələrinin şirkətdə növbəti təcrübəyə göndərilməsi, şirkətin mütəxəssislərinin BANM-in təlim-tədris sisteminə qoşulması, “Haliburton” şirkətinin Ali Məktəbdə çoxfunksional mərkəzinin yaradılması və ”Halliburton” günü”nün təşkil olunmasına dair muzakirələr aparılmışdır.

TAM XƏBƏR ətraflı oxu

“Gələcəyin Mühəndisləri layihəsi” çərçivəsində 12 saylı orta məktəbdə görüş keçirilmişdir

ARDNŞ İnsan Resursları Departamentinin mütəxəssisləri orta məktəb şagirdlərinin mühəndis ixtisaslarına həvəsləndirilməsi məqsədi ilə 2012-ci ildən başlayaraq ümumtəhsil müəssisələrində ARDNŞ-nin təhsillə bağlı layihə və proqramları haqqında təqdimatlar keçirirlər.
İndiyədək 28 məktəb üzrə 2000-ə yaxın yuxarı sinif şagirdinin iştirakı ilə təqdimatlar keçirilmişdir. Cari tədris ilinin ilk “Gələcəyin mühəndisləri” təqdimatı Bakının Nizami rayonundakı Kamil Eyyubov adına 12 saylı orta məktəbdə baş tutmuşdur. Məktəbin direktoru Əli Alıyev ARDNŞ-nin son dövrlərdəki uğurlarından danışaraq bildirmişdir ki, şirkət dövlətimizi beynəlxalq səviyyədə layiqincə təmsil edir. Daha sonra İRD-nin Təlim və inkişaf şöbəsinin əməkdaşları çıxış edərək ARDNŞ-nin tarixi, strukturu, yeni layihələri, “Əsrin müqaviləsi” haqqında danışmış, kadr hazırlığı proqramlarından, Bakı Ali Neft Məktəbinin fəaliyyətindən bəhs etmişlər.

Dövlət Neft Şirkəti tərəfindən həyata keçirilən xarici təqaüd, daxili təqaüd, yay məktəbi, yay təcrübəsi layihələri haqqında məlumat verilmiş, peşəkar fəhlə kadrlarının hazırlanmasına da böyük önəm verildiyi bildirilmişdir. Qeyd olunmuşdur ki, təkcə Xarici təqaüd proqramına əsasən son 8 ildə 247 nəfər gənc ARDNŞ-nin maliyyə vəsaiti hesabına dünyanın ən nüfuzlu ali təhsil müəssisələrində təhsil almış və şirkətdə işlə təmin olunmuşdur.

TAM XƏBƏR ətraflı oxu

Çilov adası elektrik enerjisi ilə tam təmin olunur

Çilov adasında yerləşən istehsalat sahələrinin, yaşayış komplekslərinin fasiləsiz və etibarlı elektrik enerjisi ilə təmin olunması, bu enerjinin əldə edilməsi üçün çəkilən xərclərin azaldılması, yarımstansiyada aparılacaq əməliyyatların tam qapalı və təhlükəsiz şəkildə həyata keçirilməsi məqsədi ilə Neft Daşlarındakı 48 saylı Qazturbinli Elektrik Stansiyasından adaya 35 kV-luq kabel xətti çəkilmiş və burada müasir tipli qapalı 35/6 kV-luq yarımstansiya inşa edilmişdir.
Qeyd edək ki, indiyədək Çilov adasını enerji ilə təmin edən Pirallahı-Damba arası hava elektrik ötürücü xətti uzun müddət istismar edildiyindən, küləkli hava şəraitində və xüsusən payız-qış mövsümündə qəza hallarının baş verməsinə səbəb olur və adada elektrik enerjisinin təminatında fasilələr yaranırdı. Bu isə öz növbəsində Çilov adasında yerləşən istehsalat obyektlərində, adaətrafı dəniz özüllərində həyata keçirilən texnoloji proseslərdə müəyyən çətinliklərin yaranmasına səbəb olurdu.

Çilov adasını elektrik enerjisi ilə təmin edən hava elektrik ötürücü xətlərində tez-tez baş verən qəza hallarının qarşısını almaq üçün Neft Daşlarındakı mövcud 48 saylı QTES-dən adaya 35 kV-luq sualtı kabel xətti çəkilmiş, Türkiyənin “Elko” şirkətinə məxsus yeni 35/6 kV-luq yarımstansiya tikilərək istifadəyə verilmişdir. Yeni yarımstansiya çətinlikləri aradan qaldırmaqla yanaşı, Çilov adasının enerji ilə təminatını “Bakıelektrikşəbəkə” sisteminə qoşulmadan həyata keçirməyə imkan verir.

Hazırda Çilov adasının bütün elektrik təchizatı Neft Daşlarındakı 48 saylı QTES-dən gələn sualtı kabellə etibarlı təmin olunur.

TAM XƏBƏR ətraflı oxu

Azərbaycan Dövlət Neft Şirkətinə baxış

ARDNŞ-ni kəşf et

Azərbaycan Respublikası Dövlət Neft Şirkəti (SOCAR) Azərbaycan ərazisindəki neft və qaz yataqlarının axtarışı, kəşfiyyatı və işlənməsi, neftin, qazın və qaz kondensatının hasilatı…

ətraflı oxu

Beynəlxalq reytinq

Beynəlxalq aləmdə investorlar və kredit təşkilatları hər hansı bir şirkətlə əməkdaşlıq etmək istədikdə ilk öncə sözü gedən şirkətin beynəlxalq reytinqini nəzərdən keçirirlər

ətraflı oxu